"Hamuwezi Kunizuia": DP Ruto Awashambuli Rais Uhuru na Raila

• Ruto alisema Raila na Uhuru hawajawahi kulala njaa na hivyo hawajui masaibu ya Wakenya
• Alisema amekuwa mtu wao wa mkono kisiasa lakini sasa wanampangia njama kuhakikisha hataingia Ikulu
• Ruto alisema atawapa funzo 2022 kuwa Wakenya walala hoi pia wana nafasi ya kuwika kisiasa

Naibu Rais William Ruto ameshambulia kinara wa ODM Raila Odinga na Rais Uhuru Kenyatta akisema wanapanga njama ya kumzuia kuingia Ikulu.

Akiongea wakati wa ziara Magharibi mwa Kenya, Ruto alisema amekuwa akiwafanyia siasa Uhuru na Raila lakini sasa wanamchezea karata.

Alipigia debe vuguvugu lake la hustler akisema mpango wake wa kuunda serikali itakayowalinda Wakenya walala hoi utabadilisha maisha ya wengi.

Alishambulia Raila na Uhuru aksiema ni watoto wa familia nzito ambao hawajui matatizo yanayowakumba Wakenya wa kawaida.

"Kwa sababu watu wengine hawajawai kulala njaa, hawajawahi kutembea mguu tupu, mimi ninaelewa na ndio wako na shida na mimi," alisema Ruto.

Alisema 2007 alimfanyia Raila siasa wakati kiongozi huyo wa ODM alikuwa akipambana na Mwai Kibaki katika kiti cha urais.

"Mnajua mimi nilimfanyia kampeni Raila 2007 karibu nifungwe huko Hague, mimi si nimesaidia rafiki yangu Uhuru Kenyatta, kwani ilikuwa giza hapa watu hawakuona

"sI Nilimsaidia mpaka amekuwa Rais . . . saa hii wanaungana eti kusema huyo Ruto ni mtu hajulikani baba ake ni nani na hawezi kuwa rais kwa hii Kenya," alisema Ruto.

Ruto aliwataka wafuasi wake kuungana na kumpa kura akisema yeye ndiye anawaakilisha kwa sababu ametoka mashinani kabla ya kufika alipo kisiasa.

Kabla ya kuanza kuwika kisiasa, Ruto alikuwa ni muuza kuku katika kijiji chao alipokuwa mwanafunzi wa shule ya upili.

Ni suala ambalo amekuwa akilitumia kujipigia debe aksiema yeye ni mtu anayejua maslahi ya walala hoi.

Amekuwa akirudi katika eneo la Kambi Kuku katika barabara ya Eldoret-Malaba alipokuwa mchuuzi.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690

Tazama Video Kemkem za Kusisimua Kutoka hapa TUKO.co.ke

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZ4N3gpFmn5qlpayyu7WMpKynoaqqtqJ5w6lkq62kpHqiw8Csn5qlkqq5qnnRmqCsZaWdwrPBjKeYZqqRnrmiesetpKU%3D