Caroline Kangogo Alikodi Vyumba Viwili Hotelini Kuwahepa Makachero

• Aliingia mjini Kabarnet na kukodi vyumba viwili kwenye mikahawa tofauti kama njia moja ya kuwashinda ujanja Kangogo
• Makachero walikuwa wakimfuatilia kwa karibu na akanusa huenda akaingia mtegoni na hivyo kuamua kuhepa tena kutoka Kabarnet
• Babake alisema alisafiri hadi nyumbani kwao Alhamisi Julai 15 usiku ambapo aibebwa na mhudumu wa bodaboda lakini hakujua ni Kangogo

Barnabas Kibor, babake Caroline Kangogo amesema anaamini mwanawe alijitoa uhai baada ya kufika nyumbani Ijumaa Julai 16.

Kibor alisema bintiye alipatikana akiwa amejitoa uhai kwenye bafu na mlango wa chumba hicho ulikuwa umefungwa kutoka ndani.

“Sitaka uvumi ya watu kusema pengine aliuawa. Yule mtu anajua aliuwawa anaweza kujitokeza na atueleze, sababu ile kitu mimi niliona ni huyu msichana mwenyewe alijiua kulingana na vile tulimpata,” alisema mzee huyo.

Aidha imeibuka kuwa Kangogo aliletwa nyumbani na mhudumu wa bodaboda usiku majira ya saa nne.

Habari Nyingine: Picha Tamu za Lynn Ngugi wa TUKO.co.ke Aliyeacha Kazi ya Hoteli Kuwa Mwanahabari Staa

"Huyo kijana hakujua huyo ni msichana wangu, alimleta tu kama abiria yeyote akakuja akamwacha hapa barabarani karibu mita 50 kutoka nyumbani,” alisema Mzee Kibor.

Kulingana na gazeti la People Daily, Kangogo alikuwa ametoka Kabarnet baada ya kujivinjari katika klabu moja mjini humo.

Wahudumu katika klabu hicho walisema alikuwa amejifurahisha kwa kinywaji na alipotaka kulipa bili akaomba simu.

Habari Nyingine: Nick Odhiambo Adunda Hot 96 Kufanya Kazi na Jeff Koinange

Aliniomba simu wakati wa kulipa bili na nikamtambua vizuri na kusita kumpa," mhudumu kwenye klabu hiyo aliambia People Daily.

Aidha, iliibuka pia kuwa alikuwa amepanga kulala katika mji huo kwani alikuwa amekodisha vyumba viwili katika mikahawa tofauti.

Hata hivyo, hakulala baada ya kuhofia makachero wamepata habari kuhusu kuwepo kwake mjini humo na akaamua kuhepa.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Tazama habari zaidi kutoka TUKO.co.ke

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZoZ2fJNmpaJlp5bHqnnMrKCcoJGjrm7DwKeermWRobartcyao6KykWKvoq7ApJxmo5GjtLCzzmaYrJ2dlnupwMyl