Rais Asiyeheshimu Sheria! Maraga Asema Atakavyo Kumbuka Uhuru

- Maraga alisema Kenyatta atakumbukwa kama kiongozi aliyekosa kuitii sheria inavyohitajika

- Alimtaka kuwateua majaji sita kati ya 40 waliopendekezwa na JSC akisema baada ya orodha hiyo kutoplewa hawezi kubagua baadhi ya watu

- Hatua ya Rais imezua hisia kali miongoni mwa wanasheria wakimtaka kutii katiba

Aliyekuwa jaji mkuu David Kenani Maraga amemshambulia Rais Uhuru Kenyatta kutoka na hatua yake ya kukosa kuwateua majaji sita waliopendekezwa na tume ya huduma za mahakama JSC.

Kwenye mahojiano na runinga ya KTN, Maraga alisema Rais Uhuru ataacha sifa za kiongozi wa taifa ambaye alikaidi katiba.

Alisema Rais alikosa kuwateua majaji hao sita bila kutoa sababu yoyote licha ya kutakiwa kuwasilisha malalamishi yake kuwahusu kwa JCS kabla ya uteuzi kufanywa.

Kulingana na kifungo 166 (1b) cha katiba, Rais atawateua majaji wote kwa mwongozo wa mapendekezo ya JSC na kuidhinishwa na bunge," alisema Maraga kuhusu suala hilo.

Habari Nyingine: Huwezi Kuendelea Kuongoza, Kabogo Ataka Rais Afikishiwe Ujumbe

Alisema Rais hawezi kutumia vijisababu vya kuwa na ripoti za ujasusi kuwahusu majaji hao sita ilhali hakuwasilisha kwa JSC.

"Katiba haijazipa taasisi za ujasusi nguvu ya kuwateua majaji, leta ripoti hizo kwa JSC. Baada ya JSC kufanya mapendekezo, basi ni hivyo, majina hayo hayawezi kuondolewa," alisema Maraga.

Maraga alisema hatua ya Uhuru imewasulubisha majaji hao sita mbele ya macho ya umma licha ya kuwa hakuna ushahidi dhabiti.

Habari Nyingine: Chama Kinaisha! Gavana Ann Waiguru Aitisha Mageuzi Ndani ya Jubilee

Rais pia alipokea maneno makali kutoka kwa mtangulizi wa Maraga, Willy Mutunga, aliyekerwa na hatua ya kutowateua majaji hao.

Mutunga alisema Rais alijua wajibu wa kulinda katiba alipokua akiomba kura kuingia Ikulu na hivyo kumtaka kuitii hata kama anahisi inamkata upande mwingine.

Kupitia kwa taarifa, Mutunga alisema ni wakati kila Mkenya asimame kidete kutetea katiba kwan sheria ndiyo nguzo ya nchi.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Tazama habari kemkem za TUKO hapa

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZoF6g5JmqZqho2KutLXYnp%2Beq5ieurZ50qGcq6GRYrqivsCgmGaZo5q6onnArZikmaauvG631KaZrqORYsKpwdGuZaGsnaE%3D