Pipeline: Mke wa Mhudumu wa Bodaboda Amuumbua Kipusa Sokoni

Kisanga kilitokea mtaani Pipeline, Nairobi pale ambapo mke wa mhudumu wa bodaboda na mteja wake wa kike walikabana na kuchaniana nguo huku wakirushiana matusi sokoni.

Inasemekana jamaa alifika sokoni mkewe alipokuwa akiuza mboga na matunda ili kumpelekea pesa Fulani aongezee bidhaa.

Habari Nyingine: COVID-19: Wizara ya Afya Yatangaza Maafa 11, Maambukizi 341

Kwa mujibu wa Taifa Leo, baada ya lofa kumkabidhi mama pesa kisura aliyeumbika alitokea kusikojulikana akampiga pambaja jamaa akiomba kupelekwa eneo fulani.

“Hani mbona siku hizi umenitupa hivyo. Hebu nipeleke kule nikutane na wenzangu halafu unitembelee kwangu tuomgee,” kisura alisema kwa sauti hadi mke wa jamaa akasikia.

“Huyu ni nani anayedhubutu kukumbatia nikiwa hapa hata hanipi heshima kama mkeo?” mke alimuuliza jamaa.

Inasemekana jamaa alijitetea upesi na kumuarifu mkewe kuwa kisura alikuwa ni rafiki yake.

Habari Nyingine: Raila Akosa Kuhudhuria Maombi ya Kitaifa Badala Yake Amtembelea Mukhisa Kitui Nyumbani Kwake

Mama anasemekana alichemka kwa hasira moyoni na akamtupia kijicho kikali kisura huku mumewe akingurumisha pikipiki.

Inaarifiwa kuwa kisura aliipanda pikipiki na alipoikalia mapaja yote yalibaki wazi kwani alikuwa amevalia minisketi.

Mama aliendelea kuchemka hata zaidi wakati baada ya mrembo kuketi alijiweka sawasawa, kisha akazungusha mikono yake kiunoni mwa barobaro kabla ya kumwambia waondoke.

Hata hivyo, kabla ya kuondoka mama alipaza sauti na kumtaka mumewe kusimamisha pikipiki mara moja kabla ya kumrukia kisura na kumtupa chini.

“Nimeshindwa kabisa kuvumilia kukuona ukimshika mume wangu ovyo. Wewe ni nani? Au ni wale machangudoa wanaonyakua waume wa wenyewe?” mama aliuliza huku akimzaba mrembo kofi.

Habari Nyingine: Bintiye DP Ruto, June Afunga Ndoa na Mahabubu wake Alex Ezenagu

Penyenye zinasema kisura alishindwa kuvumilia naye akajibu shambulizi kwa kumkamata mke wa jamaa nywele na kuanza kuzivuta.

Wawili hao walivutana, wakaumana na kuangushana barabarani.

Inaarifiwa kuwa kama si watu waliokuwa karibu, wawili hao wangeumizana vibaya.

“Peleka pikipiki nyumbani. Humbebi huyu shetani . Nimekataa,” mke aliamuru.

Baada ya kisa hicho kisura anadaiwa kutokomea ndani ya umati wa watu uliokuwa umekusanyika asionekana tena huku jamaa akimtii mkewe na kuondoka.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZoBzhZJmp6KolaG2r7GMpqKeZaeWeq601J2spq1drK5urs6dmJunlJZ6ornUrqSbrZFiuKq81KyYZqufoLyvtY2hq6ak