Karen: Viongozi waliofika kwa DP Ruto kuhudhuria mkutano wa BBI

- Viongozi 148 wa kisiasa walikuwa afisini mwa DP Ruto kufikia saa nne asubuhi Jumatano

- Ruto aliita kikao hicho ili kuelezea kuhusu mwelekeo wa Tangatanga kwenye siasa za BBI

- Mbunge Sudi aliwataka wafuasi wao kusubiri tangazo nzito kutoka kwa kikao hicho

Sura kamili ya kambi ya kisiasa inayohusishwa na Naibu Rais William Ruto Tangatanga itaonekana leo baada yake kuita mkutano afisini Karen.

DP Ruto anatarajiwa kuzungumza na wandani wake kuhusu mwelekeo wao kwenye suala tata la BBI.

Tayari viongozi kadhaa ambao wanaegemea upande wake wameanza kufurika Karen ili kuskiza kinara wao ana mwongozo upi.

Mwanablogu wa DP Ruto Dennis Itumbi alisema kufikia saa nne asubuhi takribana viongozi 148 walikuwa wamefika.

Habari Nyingine: Magazeti Jumatano Disemba 2: DP Ruto kukutana na wabunge 150 Karen kujadili BBI

Kulingana na picha zilizochapishwa kwenye Facebook, viongozi Kipchumba Murkomen, Oscar Sudi, Mohammed Ali, Faith Gitau, Charity Kathambi pamoja na magavana Josephat Nanok na Paul Sang ni baadhi ya waliokuwa wamefika.

Wengine ni Liza Chelule, Gladys Shollei, Cecily Mbarire, Nixox Korir, Victor Preng'ei, David Ole Sankok na Gavana Moses Kasaine Lenolkulal.

Habari Nyingine: Nilizaa na wewe! Pasta Ng'ang'a amkemea mshirika wake aliyeomba msaada

Tayari mbunge wa Kapseret Oscar Sudi kupitia ukurasa wake wa Facebook ameashiria kutakuwa na tangazo kwa wafuasi wa Tangatanga.

"Je, mko ytayari kwa tangazo kubwa la leo?" aiuliza mbunge huyo.

TUKO.co.ke ilikuwa hapo awali imeripoti kuwa kumetokea hali ya wandani wa DP kuchanganyikiwa baada yake kukosa msimamo dhabiti kuhusu BBI.

Habari Nyingine: Joe Biden ajitokeza na kiatu maalum baada ya kuvunjika mguu akicheza na mbwa wake

Leo anatarajiwa kuzungumzia wafuasi wake na kuweka wazi msimamo ambao wanafaa kufuata.

Aidha itakuwa nafasi pia ya viongozi ambao wamekuwa wakiegemea upande wake kujulikana wazi kwa kuhudhuria mkutano huo.

Tofauti na awali ambapo Jubilee ilizungumza kwa sauti moja, sasa ilipasuka kwa vipande vya Tangatanga na Kieleweke ambavyo huegemea aidha upande wa DP au ule wa Rais Uhuru Kenyatta.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdjboFzhZRmopqqlaN6t7XOp56osplixKK4yKidoqORYri4rYydp2aqpam8brfUoaydoKWntqJ5zKSsrZmepHq4rYybmaJmmKm6rQ%3D%3D