Uwanja wa Kasarani wafungwa kwa muda usiojulikana baada ya mechi kati ya Gor Mahia na Hull City

-Uwanja huo ulifungwa kutokana na uharibifu uliosababishwa na mashabiki

-Serikali ilisema kuwa uharibifu mkubwa ulifanyika baada ya mechi hiyo

-Ripoti zinaarifu kuwa mashabiki wenye ghadhabu walifanya uharibifu baada ya kukosa tiketi ya kutazama mechi hiyo

Uwanja wa kimataifa wa michezo wa Kasarani umefungwa kwa muda usiojulikana baada ya mechi ya kihistoria kati ya Gor Mahia na klabu ya ligi ya Uingereza Hull City iliyosakatwa Jumapili, Mei 13.

TUKO.co.ke ina habari kuwa wizara ya michezo na tamaduni ilichukua uamuzi huo kutokana na uharibifu uliosababishwa na mashabiki uwanjani humo.

Tuma neno ‘NEWS’ kwa 40227 ili kupata habari muhimu pindi zinapochipuka

Habari Nyingine: Ng'ombe ajifungua ndama mwenye miguu 2 Bungoma, ashtua wakazi (picha)

Habari Nyingine: Mambo 10 ambayo kila mwanamke anapaswa kuzingatia kabla ya kuolewa

Taarifa ya kaimu mkurugenzi mkuu wa bodi ya spoti nchini, Saima Ondimu, ilisema kuwa viti na mali nyingine uwanjani humo vilivunjwa na mashabiki waliokuwa na ghadhabu baada ya mechi hiyo.

“Hii ni kuwaarifu kuwa wizara ya michezo na mali asili na chama kinachosimamia spoti nchini Kenya zimeamua kusitisha shughuli za soka katika uwanja wa Kasarani hadi pale ilani nyingine itakapotolewa." Taarifa hiyo ilisema.

Habari Nyingine: Mbunge adaiwa kumzaba makofi afisa wa kike wa kaunti ya Mombasa 'kwa kuvaa vibaya' (picha)

Mechi ya Gor Mahia na Hull City iliishia sare ya kutofungana bao lolote kwenye muda wa kawaida na Gor ikapoteza mechi hiyo kwa mabao 3-4 kupitia mikwaju ya penalti.

Mechi hiyo iliwavutia maelfu ya mashabiki kutoka maeneo tofauti ya nchi wanaoshabikia timu tofauti za ligi ya kitaifa (KPL).

Habari Nyingine: Ni nani kama mwanamume huyu? Tazama alichomfanyia mkewe

Uwanja huo wenye uwezo wa kubeba watu 60,000 ulikuwa umejaa pomoni kwani mashabiki hawakutaka kukosa kutazama pambano hilo la kihistoria.

Kwa bahati mbaya, baadhi ya mashabiki wenye ghadhabu ambao walikosa tiketi ya kuingia uwanjani humo waliharibu mali katika uwanja huo.

Ondimu alisema kuwa uwanja huo utafunguliwa mara tu vitu vilivyoharibiwa vitakapotengenezwa.

Read ENGLISH VERSION

Una taarifa motomoto au sakata ambayo ungependa tuichapishe? Wasiliana nasi kwa news@tuko.co.ke, mwangi.muraguri@tuko.co.ke , kwenye WhatsApp: 0732482690 na kwenye Telegram: Tuko News

Gor Mahia dhidi ya Hull City | TUKO TV

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdibIB5fpNmrLCZnp%2BubsPAZqKaq5Gnrq%2B1jLCYn62enMSiecqwmGalpZmubsHSoqajrZyeuKK6wGaZmpmUlnq6rYymnJygmWK4osDIZrCaZZekv265wKGgmmWelnqpwculZJyhpK57qcDMpQ%3D%3D